Սկիւտարի Ս. Խաչ Երկրորդական Վարժարանը` Վերադարձնելու Ճանապարհին....
Սիրելի Հրանդ Տինքի աշակերտած Սկիւտարի Սուրբ Խաչ երկրորդական վարժարանը (երբեմնի Դպրեվանքը)՝
Թուրքիոյ Վաքըֆներու Խորհուրդին դիմում ներկայացուցած է կալուածն ու հաստատութիւնը հայկական
համայնքին վերադարձնելու համար։ Այս մասին կը տեղեկացնէ թրքական «Ռատիքալ» թերթը: Անցեալ
ամրան «Փորքամասնութիւններու ստացուածքներու օրէնք»ին ընդունումէն ետք, այս հարցին համար
Վաքըֆներու խորհուրդին եղած էր 11 դիմումներ , բայց փաստաթուղթերու կիսատ ըլլալուն պատճառով՝
դիմումները նկատի չէին առնուած: Այժմ դիմումը ղրկուած է Անգարա եւ անիկա պիտի քննուի
Վաքըֆներու Խորհուրդին կողմէ: Համայնքի կարծիքին համաձայն՝ դիմումը հասած է վերջին հանգրուան
եւ այս ամիս արդիւնք պիտի ստանայ։ Սկիւտարի Դպրեվանքը, հիմնադրուած է 1953ին հոգեւորականներ
պատրաստելու նպատակով։ 1985ին անիկա առնուած է Պոլսոյ հայկական համայնքի ձեռքէն: Մէկ
ամիս առաջ հայ համայնքը դպրեվանքի կալուածը վերադարձնելու դիմում կատարած էր: Եթէ դպրեվանքը
ճանչցուի իբրեւ համայնքապատկան հաստատութիւն, բոլոր հայերու զաւակները՝ թրքական քաղաքացիութիւն
ունեցող կամ ոչ՝ կրնան ուսանիլ այս դպրոցին մէջ: Ներկայիս Սկիւտարի Սուրբ Խաչ վարժարանը
կը գործէ մասնաւոր դպրոցի կարգավիճակով: Վաքըֆներու խորհուրդին ընդհանուր տնօրէն Ատնան
Էրթեմ ըսած է, թէ Վաքըֆներու խորհուրդը պիտի գնահատէ այս դիմումը: